Rusiyalı oliqarx Samvel Karapetyan “Özünəməxsus” hərəkatının yaradılacağını elan edib
“Taşir” Qrupunun rəhbəri, rusiyalı oliqarx Samvel Karapetyan “Özünəməxsus” adlı hərəkatın yaradılacağını açıqlayıb. Bu hərəkat onun siyasi qüvvəsinin əsasını təşkil edəcək.
Crossmedia.az xarici mətbuata istinadən xəbər verir ki, Karapetyan həbsxanadan göndərdiyi müraciətində bildirib ki, tezliklə təqdim olunacaq hərəkat konkret ideyalar və proqramlar ətrafında formalaşıb.
Biznesmen deyib:
“Bizim məqsədlərimiz – iqtisadiyyatı inkişaf etdirmək, biznes üçün real imkanlar yaratmaq, ailə və milli dəyərləri möhkəmlətmək, Ermənistanın etibarlı tərəfdaş kimi nüfuzunu bərpa etmək, Artsax sakinlərinin ləyaqətli həyat hüququnu təmin etmək, gənclərə gələcəyə inamı qaytarmaq (təhsil sistemini inkişaf etdirərək), AİİC-ni qorumaq və saxlamaqdır".
O əlavə edib ki, hərəkat yeni siyasi qüvvənin formalaşdırılması üçün əsas rol oynayacaq.
Biznesmen xatırladıb ki, avqustun 14-də məhkəmə onun həbs tədbirinin müddətinin uzadılması məsələsini nəzərdən keçirəcək.
Pərvin Hacıyeva
19:26 13.08.2025
Oxunuş sayı: 6907
