Tramp KİV-ləri tənqid edib: “Onlar xəstə və vicdansız insanlardır”
ABŞ prezidenti Donald Tramp Rusiya Prezidenti Vladimir Putinlə görüşünün mediada təqdimatından narazılığını bildirib. O, bəyan edib ki, “çox vicdansız KİV-lər” görüşü düzgün əks etdirmir və tez-tez işdən çıxarılan, uğursuz və “əslində ağılsız” şəxslərdən sitat gətirirlər. Tramp xüsusilə Con Boltonu misal göstərib və onun “görüş ABŞ ərazisində keçirilir, amma Putin artıq qalib gəlib” sözlərini tənqid edib.
Crossmedia.az xəbər verir ki, prezident vurğulayıb ki, “Bütün bunlar nə deməkdir? Biz hər şeydə qazanırıq. Feyk xəbərlər əlavə iş saatları üzrə işləyir (əlavə iş saatları üçün vergi yoxdur!). Əgər mən Moskva və Leninqrad üzrə Rusiya ilə razılaşma əldə etsəydim, feyk xəbərlər bunu mənasız bir razılaşma kimi təqdim edərdi. Amma indi onların yalanları ifşa olunub. Reallıq isə onların korrupsiyasını göstərir. Onlar xəstə və vicdansız insanlardır, ehtimal ki, ölkəmizə nifrət edirlər. Amma bu əhəmiyyətli deyil, çünki biz hər şeydə qalib gəlirik!”
Nicat Rüstəmzadə
16:30 13.08.2025
Oxunuş sayı: 6669
