Qazaxıstan Xəzər dənizinin problemlərinin araşdırılmasına 560 min dollardan çox ayırır
Qazaxıstan Xəzər dənizinin problemlərinin öyrənilməsi üçün 560 min dollardan çox vəsait ayıracaq.
Crossmedia.az xarici mətbuata istinadən xəbər verir ki, vəsait Qazaxıstan Xəzər Dənizi Elmi-Tədqiqat İnstitutuna yönləndiriləcək və burada hidrobiologiya, hidrokimya, hidrometeorologiya və peyk monitorinqi laboratoriyalarının inkişafına sərf olunacaq.
Alimlər balıq ehtiyatlarının qiymətləndirilməsi, suitilərin kütləvi şəkildə məhv olmasının səbəblərinin araşdırılması və onların qorunması texnologiyalarının hazırlanması ilə məşğul olacaqlar. Bundan əlavə, Qazaxıstan hissəsindəki Xəzər dənizində iqlim dəyişiklikləri, dəniz səviyyəsi, suyun keyfiyyəti və biomüxtəliflik təhlil ediləcək.
Pərvin Hacıyeva
10:53 13.08.2025
Oxunuş sayı: 1427
