Xarici xəbərlər

Gürcüstanın baş naziri ABŞ-dan sanksiyalara yenidən baxılmasını gözləyir

Gürcüstanın baş naziri İrakli Kobaxidze ümid etdiyini bildirib ki, ABŞ prezidenti Donald Trampın administrasiyası respublikaya münasibətdə siyasəti yenidən nəzərdən keçirəcək. O, həmçinin əvvəlki Amerika hakimiyyəti tərəfindən tətbiq olunmuş sanksiyaların da dəyişdiriləcəyinə inandığını vurğulayıb.

Crossmedia.az xarici mətbuata istinadən xəbər verir ki, Kobaxidze bildirib ki, Tramp administrasiyasının əvvəlki ABŞ rəhbərliyindən fərqli yanaşmalar ortaya qoyacağına ümid edir. Onun sözlərinə görə, yeni siyasi kurs Gürcüstan–ABŞ münasibətlərinə müsbət təsir göstərə bilər.

“Düşünürəm ki, əvvəlki administrasiya dövründə mövcud olan yanaşmalar köklü şəkildə yenidən nəzərdən keçiriləcək, o cümlədən sanksiya siyasəti də dəyişdiriləcək. Bu, bizim ehtimalımızdır,” – deyə Kobaxidze qeyd edib.