İranlı jurnalist: " Tehran–Beyrut əlaqələri kəsilə bilər”
İranlı jurnalist və siyasi analitik Əhməd Zeydabadi Livanla İran arasında diplomatik münasibətlərin gərginləşə biləcəyi barədə xəbərdarlıq edib. Onun sözlərinə görə, Livan hökumətinin Hizbullah da daxil olmaqla bütün silahlı qrupları tərksilah etmək qərarı Beyrut və Tehran arasında ciddi qarşıdurmaya yol aça bilər.
Crossmedia.az-ın məlumatına görə, Zeydabadi bildirib ki, Livanın bəzi siyasi dairələri artıq İran səfirinin Beyrutdan çıxarılması və ikitərəfli münasibətlərin dayandırılması məsələsini gündəmə gətirir.
İran rəsmiləri Livan hökumətinin qərarına etiraz edir və Hizbullahın tərksilah edilməsinin real olmadığını vurğulayırlar. Analitikə görə, Hizbullah silahı yerə qoymaq istəmirsə, nəticədə bölgədə yeni vətəndaş müharibəsi və genişmiqyaslı xarici müdaxilə riski yarana bilər.
Zeydabadi, bu kimi məsələlərdə İran hökumətinə yalnız tənqid deyil, həm də konkret həll yollarının təklif olunmasının vacibliyini qeyd edib.
11:26 11.08.2025
Oxunuş sayı: 615
