Uttarkashidə daşqın: Onlarla insan itkin düşüb
Hindistanın Uttarkashi şəhərində baş vermiş gözlənilməz daşqın nəticəsində bir kənd tamamilə su altında qalıb, 50-dən çox insan itkin düşüb.
Crossmedia.az xarici mətbuata istinadən xəbər verir ki, yerüstü telekanallarda yayımlanan kadrlarda dağlardan gələn güclü su axınlarının kəndin yerləşdiyi dağ ətəklərinə çırpıldığı, evləri və Uttarkashi şəhərindəki yolları yuyub apardığı açıq şəkildə görünür.
Bundan az əvvəl rayon polisi X sosial şəbəkəsində yaydığı məlumatda Harşil bölgəsində suyun səviyyəsinin artması səbəbilə ciddi dağıntılar ola biləcəyini xəbərdar etmişdi. Mütəxəssislər sakinləri su hövzələrindən uzaq durmağa çağırmışdılar.
Pərvin Hacıyeva
17:57 05.08.2025
Oxunuş sayı: 8479
