ABŞ-nin tarif təhdidləri fonunda Hindistan rupisi tarixi minimuma düşə bilər
Hindistan rupisi bu gün 1 dolların 88 rupiyə çataraq minimum səviyyəyə enə bilər.
Crossmedia.az xarici mətbuata istinadən xəbər verir ki, bu məsələnin ABŞ Prezidenti Donald Trampın Hindistan məhsullarına tarifləri artırmaqla bağlı yeni təhdidləri səbəbindən ola biləcəyi gözlənilir .
Əvvəlki rekord minimum - 87,95 səviyyəsi fevral ayında qeydə alınmışdı.
Tramp bir daha Hindistanı Rusiya neftini alıb yenidən satmaqda ittiham edərək, “onun məhsullarına tarifləri əhəmiyyətli dərəcədə artırmaqla” hədələyib. Hindistan Xarici İşlər Nazirliyi isə cavab olaraq bildirib ki, ölkə “milli maraqların və iqtisadi təhlükəsizliyin qorunması üçün bütün zəruri addımları atacaq”.
Ötən həftə Tramp artıq Hindistandan idxala 25% tarif tətbiq edib ki, bu da gözləniləndən yüksəkdir. Ölkələr arasında ticarət sazişi üzrə danışıqlar da dayanıb. Mənfi əhval-ruhiyyə fonunda rupinin məzənnəsi ümumi dolların dəyərinin düşməsinə baxmayaraq zəifləyib. Bazar ertəsi günü isə Hindistan valyutası 87,20 səviyyəsindəki günlük artımı saxlaya bilməyərək yenidən aşağı enib.
Pərvin Hacıyeva
13:54 05.08.2025
Oxunuş sayı: 5969
