Tramp: Rusiya Ukrayna ilə sülh sazişi bağlasa, sanksiyalardan qurtula bilər
ABŞ Prezidenti Donald Tramp bildirib ki, Rusiya Ukrayna ilə sülh sazişi bağlasa, sanksiyalardan qaça bilər.
Crossmedia.az xarici mətbuata istinadən xəbər verir ki, mətbuat nümayəndələri Ağ Ev rəhbərinə rusiyalıların sanksiyaların sərtləşməsinin qarşısını almaq üçün nə edə biləcəklərini soruşublar.
Tramp cavabında deyib ki, sanksiyaların ləğvi açarı, hər iki tərəfin itkilərinin sonu olacaq sülh razılaşmasının əldə edilməsidir.
“Bəli, razılaşma imzalayın ki, insanlar ölməsin. Yaxınlarda çoxlu sayda rus əsgərinin öldüyü barədə məlumatlar yayıldı. Ukraynada da az olmasa da minlərlə insan həlak olub. İndi isə raketlərlə vurulan şəhərləri əlavə edirik. Bu mənasız müharibədə çoxlu insan həlak olur,” — deyə ABŞ Prezidenti vurğulayıb.
Pərvin Hacıyeva
11:27 04.08.2025
Oxunuş sayı: 7441
