İranlı deputat Pezeşkianı Azərbaycanla bağlı açıqlamalarına görə sərt tənqid etdi
İran parlamentinin Tehranı təmsil edən deputatı Həmid Rasayi Prezident Məsud Pezeşkianın Azərbaycanla bağlı açıqlamalarına sərt tənqidlə cavab verib.
“Cənab Pezeşkian, bəyanatlarınızda ehtiyatlı olun. Düşmənlərə bəhanə verməyin. Sizin Zəncan səfəriniz zamanı dediyiniz sözlər İran və Azərbaycanın bədxahlarının dəyirmanına su tökməkdir,” — deyə deputat bildirib.
Crossmedia.az xarici mətbuata istinadən xəbər verir ki, o qeyd edib ki, İran hər zaman Azərbaycana verdiyi dəstəyə görə “bədəl ödəyib”, itkilərlə üzləşib və bu gün də bölgənin maraqlarını qorumaqda davam edir.
Rasayinin xüsusilə narazılığına səbəb olan Pəzeşkiyanın belə bir ifadəsi olub:
“Əgər biz Azərbaycanla dost ola bilmiriksə və bu rolu bizim yerimizə İsrail oynayırsa, deməli, bu bizim günahımızdır.”
Deputatın fikrincə, bu sözlər İranı ittiham etmək və Azərbaycanı İsrailin dostu kimi təqdim etmək anlamına gəlir.
“İsrail Təbrizdə 60 nəfəri qətlə yetirdiyi kimi, bir gün Azərbaycan xalqını da məhv edəcək. Siz Ali Liderə sədaqətli olduğunuzu bəyan edirsiniz, amma niyə Təbriz səfəriniz zamanı sizi Bakıda ‘Yaşasın Azərbaycan!’ deyə qışqıran şəxslər müşayiət edir?” — deyə deputat sual edib.
Pərvin Hacıyeva
11:10 04.08.2025
Oxunuş sayı: 6145
