Ankara və Vaşinqton S-400 problemi ilə bağlı həll yoluna yaxınlaşır
ABŞ-nin Türkiyədəki səfiri Ceffri Fleyk bildirib ki, Ankara ilə Vaşinqton arasında S-400 zenit-raket kompleksi ilə bağlı uzun müddətdir davam edən problem həll olunmağa doğru gedir.
Crossmedia.az “Habertürk”-ə istinadən xəbər verir ki, səfir öz müsahibəsində gərginliyin həllindən danışıb:
“S-400 məsələsi 2017-ci ildə anlaşılmazlıqdan yaranmışdı. Artıq 10 il keçir və biz tamamilə fərqli bir mühitdəyik. Bu problemi həll etməyə yaxınlaşırıq. F-35, F-16 və S-400 ilə bağlı məsələlər bir vaxtlar siyasi gərginlik yaradıb, lakin onların da həlli mümkündür. Xüsusilə də indi, iki ölkə arasındakı ticarət həcmini illik 100 milyard dollara çatdırmağa çalışdığımız və NATO-nun Türkiyədən daha çox dəstək, məsləhət və yardım gözlədiyi bir dövrdə”
Nicat Rüstəmzadə
11:01 31.07.2025
Oxunuş sayı: 8374
