Xarici xəbərlər

İsrail təşkilatından etiraf: “Qəzzada soyqırım var”

İsrailin iki insan hüquqları təşkilatı Qəzzada baş verənləri soyqırımı adlandırıb.

Belə ki, 79 səhifəlik hesabat yayılıb.Hesabatda deyilir ki, İsrailin Qəzzadakı siyasəti, törətdiyi dağıntılar və rəsmilərin açıqlamaları soyqırımı sübut edir.

Crossmedia.az xəbər verir ki, bu barədə "TRT Haber" məlumat yayıb.

İnsan Hüquqları üçün İsrailli Həkimlər (PHRI) bildirir ki, İsrail Qəzzanın səhiyyə sistemini qəsdən və sistemli şəkildə dağıdıb.

Təşkilatların fikirlərinə görə:

Qəzzada yaşamaq mümkün deyil, insanlar kütləvi şəkildə ölür. İnfrastruktur və sosial həyat məhv edilib. Həmçinin, insanlar zorla köçürülür və pis rəftar olunur.

Beynəlxalq ictimaiyyətin səssizliyi də tənqid olunub. Qeyd edək ki, ABŞ və Avropa ölkələri bu prosesə göz yummaqda və dəstək verməkdə ittiham olunurlar.

Vurğulayaq ki, hesabat aclıqdan ölən uşaqların və bağlanan xəstəxanaların fonunda təqdim edilib.

🖨 Çap et

18:47 29.07.2025

Oxunuş sayı: 8733