Müharibənin dayanması Putin üçün təhlükəlidir:KİV
Qərb ölkələri hesab edir ki, Ukrayna ilə müharibənin dayandırılması Rusiya üçün fəlakətlə nəticələnə bilər. Almaniyanın Bild nəşrinin yazdığına görə, Prezident Vladimir Putin ölkəni çıxılmaz vəziyyətə salıb: qarşıya qoyulan məqsədlərə çatılmayıb, iqtisadiyyat hərbi sənaye kompleksi hesabına ayaqda qalır, yüz minlərlə insan isə cəbhə ilə bağlı sahələrdə – zavodlardan səngərlərə qədər dolanışıq tapır.
Crossmedia.az xəbər verir ki, bu barədə xarici KİV məlumat yayıb.
İqtisadçılar xəbərdarlıq edirlər ki, hərbi sənaye sektoru olmasa, Rusiya iqtisadiyyatı artıq tənəzzülə uğrayıb. Bütün sahələrdə geriləmə var – yalnız müdafiə sənayesi işlək vəziyyətdədir.
Lakin Kreml üçün əsas təhlükə cəbhədən qayıdacaq “xüsusi əməliyyat qəhrəmanları”dır. Bildirilib ki, on minlərlə yaralanmış, sərtləşmiş, asan pul qazanmağa öyrəşmiş, Rusiyada nisbətən böyük ödənişlər almış hərbçi müharibədən sonra işsizliyin və ümidsizliyin hökm sürdüyü yoxsul bölgələrə dönəcək. Bu isə ölkədə zorakılıq dalğasının və cinayətlərin artmasına səbəb ola bilər.
Qeyd edək ki, ekspertlər bu gələcək ssenarini 1990-cı illərdə Əfqanıstan və Çeçenistandan qayıdan döyüşçülərin yaratdığı sosial gərginliklə müqayisə edirlər.
Fatimə Məmmədova
23:45 28.07.2025
Oxunuş sayı: 1159
