Yeni araşdırma: Gündə 10 min addım atmaq zərurəti mif imiş, sadəcə bu kifayətdir…
Dünyada
160 mindən çox yetkin insanın sağlamlıq və hərəkət məlumatlarını təhlil edən
yeni bir araşdırmaya görə, gündə 7 min addım atmaq beyin gücünü artırmaq və bir
çox xəstəliklərə qarşı qoruma təmin etmək üçün kifayət edir.
Crossmedia.az
xəbər verir ki, bu barədə News BBC məlumat yayıb.
Bu,
uzun müddətdir tövsiyə olunan 10 min addımlıq hədəflə müqayisədə daha real və əlçatan
bir məqsəd ola bilər. The Lancet Public Health jurnalında dərc olunan araşdırma
göstərir ki, daha az addım atmaq məsələn, 7 min xərçəng, demensiya və ürək xəstəlikləri
kimi ciddi sağlamlıq problemləri riskini azaltmaqda demək olar ki, 10 min addım
qədər təsirlidir.
Tədqiqatı
aparan Dr. Melodi Ding qeyd edir ki, gündə 10 min addım atmalı olduğumuz düşüncəsi
elmi əsaslara deyil, illər öncə yaradılmış bir təbliğat təsirinə əsaslanır. O
bildirir ki, bu rəqəm ilk dəfə 1960-cı illərdə, Tokioda keçirilən Olimpiya
Oyunları ərəfəsində “10 min addım sayğacı” adı ilə bazara çıxarılan bir cihazla
populyarlaşmışdı.
Araşdırmaya
görə, gündə 7 min addım:
• ürək-damar
xəstəlikləri riskini 25%,
• xərçəng
riskini 6%,
• demensiya
riskini 38%,
• depressiya
riskini isə 22% azaldır.
Ancaq tədqiqatçılar qeyd edirlər ki, bu nəticələrin bir hissəsi az sayda araşdırmaya əsaslanır və bu səbəbdən dəqiq olmaya bilər. Bununla belə, 4 min addım kimi daha az sayda gündəlik addım belə 2 min addımla müqayisədə sağlamlıq üçün müsbət təsir göstərə bilər. Ürək sağlamlığı üçün uzun məsafələrdə gəzməyin əlavə faydaları olsa da, 7 min addımdan sonra bu faydalar artmır.
Hazırda
Ümumdünya Səhiyyə Təşkilatı kimi qurumlar addım sayından çox fiziki aktivliyin
müddətinə əsaslanan tövsiyələr verir məsələn, həftədə 150 dəqiqə orta səviyyəli
və ya 75 dəqiqə intensiv aerobik fəaliyyət.
Dr.
Ding qeyd edir ki, addım sayı bu tövsiyələrə əlavə olaraq insanlara gün ərzində
fiziki aktiv olmağa təşviq edə bilər. Digər mütəxəssislər də (məsələn, Brunel
Universitetindən Dr. Daniel Bailey və Portsmouth Universitetindən Dr. Andrew
Scott) 10 min addım hədəfinin bir mif olduğunu, əvəzində 5-7 min addımın daha
real və məqsədəuyğun olduğunu bildirirlər. Onlara görə, əsas məsələ hərəkətdə
olmaqdır, rəqəmin dəqiq olması deyil.
Nigar Rəhimova
06:45 27.07.2025
Oxunuş sayı: 1087
