Ermənistan “3+3” formatında növbəti görüşə ev sahibliyi etməyə hazır olduğunu təsdiqləyib
Ermənistan Cənubi Qafqazla bağlı “3+3” formatında keçiriləcək növbəti nazirlər görüşünə ev sahibliyi etməyə hazır olduğunu bir daha bəyan edib. Bu barədə Ermənistan Xarici İşlər Nazirliyinə istinadən yerli KİV-lər məlumat yayıb.
Crossmedia.az xarici mediaya istinadən bildirir ki, Rusiya Xarici İşlər naziri Sergey Lavrov Ermənistanın xarici işlər naziri Ararat Mirzoyanla birgə keçirdiyi mətbuat konfransında “3+3” formatında üçüncü görüşün hazırlandığını açıqlayıb. Lavrovun sözlərinə görə, Moskva növbəti iclasların Bakıda və İrəvanda keçirilməsini təklif edir.
Ermənistan Xarici İşlər Nazirliyi əlavə edib ki, ölkə bu barədə mövqeyini hələ 2024-cü ilin 18 oktyabrında, İstanbulda keçirilmiş “3+3” məsləhətləşmə platformasının üçüncü görüşü zamanı bildirmişdi. Nazirlik həmçinin qeyd edib ki, görüşün keçiriləcəyi tarix və məkan müəyyənləşdirildikdən sonra ictimaiyyətə rəsmi məlumat veriləcək.
Fatimə Nəbiyeva
10:45 27.05.2025
Oxunuş sayı: 11160
