ABŞ-li nazir Qüdsdə Netanyahu ilə İranı müzakirə etdi
ABŞ-nin daxili təhlükəsizlik naziri Kristi Noem Qüdsə səfər edərək İsrailin baş naziri Benyamin Netanyahu ilə görüşüb.
Crossmedia.az xarici KİV-ə istinadən xəbər verir ki, görüş zamanı ABŞ və İran arasında aparılan danışıqlar və regional təhlükəsizlik məsələləri müzakirə olunub.
Nazir Noem səfəri çərçivəsində həmçinin İsrailin xarici işlər naziri Gideon Saar ilə birlikdə Vaşinqtonda öldürülən iki İsrail səfirlik əməkdaşının xatirəsinə həsr olunmuş anım tədbirində iştirak edib.
Noem bildirib ki, ABŞ Prezidenti Donald Tramp ondan İsrailə həmrəylik səfəri etməsini istəyib.
ABŞ-li nazir Netanyahu ilə apardığı müzakirələrin İranla bağlı məsələlərə fokuslandığını və bu danışıqların “səmimi” şəraitdə keçdiyini qeyd edib.
Mədinə Cəlilova
00:30 27.05.2025
Oxunuş sayı: 7938
