Həmas atəşkəsə razılıq verib – ABŞ-nin təklifi qəbul edilib
Al Jazeera və Reuters agentliklərinin fələstinli mənbələrə istinadən yaydığı məlumata görə, HƏMAS ABŞ tərəfindən təqdim olunan atəşkəs razılaşmasını qəbul edib.
Crossmedia.az xarici mediaya istinadən xəbər verir ki, razılaşma Qəzza zolağında 60 günlük atəşkəsin tətbiqini, girovların mərhələli azad olunmasını və fələstinli məhbusların qarşılığında bəzi israilli girovların və meyitlərin təhvil verilməsini nəzərdə tutur.
İlk mərhələdə 5 israilli girov razılaşmanın qüvvəyə mindiyi ilk gündə azad olunacaq, daha 5 nəfər isə 60-cı gün azad ediləcək.
Atəşkəs rejimi 60 gün tamam olduqdan sonra da davam etdiriləcək.
ABŞ-nin vasitəçiliyi ilə əldə olunan razılaşma çərçivəsində İsrail qoşunlarının geri çəkilməsi yanvar ayında əldə olunmuş əvvəlki razılaşmaya uyğun şəkildə həyata keçiriləcək.
Mədinə Cəlilova
00:00 27.05.2025
Oxunuş sayı: 9729
