İran Prezidenti: “ABŞ sanksiya tətbiq etsə belə, heç kim aclıqdan ölməyəcək”
“ABŞ gözlənilmədən danışıqlar prosesindən geri çəkilər və Tehrana qarşı daha sərt sanksiyalar tətbiq edərsə, bu, İranı sarsıtmayacaq.”
Crossmedia.az xəbər verir ki, bunu İran Prezidenti Məsud Pezeşkian Azad İslami Universitetinin yaradılmasının 43-cü ildönümünə həsr olunmuş tədbirdə çıxışı zamanı bildirib.
“Əgər ABŞ qəfildən danışıqlardan çəkilmək qərarına gəlsə və bizə qarşı daha böyük sanksiyalar tətbiq etsə, İranda heç kim aclıqdan ölməyəcək. Biz çıxış yolu tapacağıq”,- Prezident vurğulayıb.
Eyni zamanda Pezeşkian belə bir ssenaridə xalqın həmrəyliyinin və birgə mübarizəsinin vacibliyini də vurğulayıb.
21:59 26.05.2025
Oxunuş sayı: 9913
