İran rəsmisi: “Zəngəzur dəhlizi Tehran üçün qəbuledilməzdir”
İranın xarici işlər nazirinin müavini Səid Xətibzadə İrəvanda keçirilən “Yerevan Dialoqu 2025” beynəlxalq forumunda çıxışı zamanı Ermənistanla əlaqələrin Tehran üçün xüsusi əhəmiyyət daşıdığını bəyan edib.
Crossmedia.az xarici KİV-ə istinadən xəbər verir ki, diplomatın sözlərinə görə, İran onilliklərdir Ermənistanla yüksək səviyyəli münasibətləri qoruyub saxlayır və bu əlaqələr geostrateji, geoiqtisadi və geomədəni baxımdan önəmlidir.
“Ermənistan İran üçün vacib ölkədir. Biz Ermənistandan açıq şəkildə eşitmək istəyirik ki, dəhliz olmayacaq. Zəngəzur dəhlizi İran üçün qəbuledilməzdir”, – Xətibzadə deyib.
O, çıxışı zamanı Zəngəzur dəhlizi ilə bağlı açıq şəkildə qərəzli yanaşma sərgiləyərək, bu layihənin region üçün təhlükə doğuracağını iddia edib.
Aybəniz Səfərova
21:44 26.05.2025
Oxunuş sayı: 10182
