Suvalki dəhlizində gərginlik: Rusiya NATO ilə müharibənin bir addımlığında...
Polşa və Litva vətəndaşları Rusiyanın səyi ilə mümkün hərbi müdaxilə ehtimalına qarşı hazırlıqlar görürlər. Xüsusilə Suvalki dəhlizində yaşayan insanlar bölgəni tərk etməyə başlayıblar, çünki bu ərazi Rusiya və Belarusun Kalininqrad vilayəti ilə sərhəddə yerləşir və strateji əhəmiyyətə malikdir.
Crossmedia.az xəbər verir ki, bu barədə Almaniyanın BILD nəşri məlumat yayıb.
Belə ki, Suvalki dəhlizi təxminən 65 km uzunluğunda olub, Litva ilə Polşanı birləşdirir və eyni zamanda Belarus ilə Rusiya arasında yerləşən Kalininqrad vilayətini ayırır. Bu dəhliz NATO-nun şərq cinahında ən zəif nöqtələrdən biri hesab olunur. Əgər Rusiya bu ərazini ələ keçirsə, Baltikyanı ölkələr NATO-nun əsas hissəsindən quru yolu ilə təcrid oluna bilər.
Qeyd edək ki, son dövrlərdə Rusiya və Belarusun bu bölgədəki hərbi fəallığı artıb. Məsələn, Rusiya Suvalki dəhlizi yaxınlığında qoşunlarını yerləşdirir və bu, NATO-nun "Axilles dabanı" kimi qiymətləndirilir. Bəzi ekspertlər hesab edirlər ki, bu əraziyə bir neçə istiqamətdən hücum Baltikyanı ölkələri qısa müddətdə təcrid edə bilər.
Fatimə Məmmədova
20:28 26.05.2025
Oxunuş sayı: 8540
