Çin Egey limanlarını ələ keçirir: ABŞ və Çin arasında “soyuq savaş” təhlükəsi
Çin, ABŞ və Hindistan arasında ticarət yolları uğrunda gedən mübarizə artıq Egey dənizinə keçib. Özəlləşdirilən Yunanıstanın Pire limanını satın alan Çin, indi də Dedeağaç limanına maraq göstərir. Məlumata görə, ABŞ bu təsirin qarşısını almağa çalışır və bölgədəki limanlara nəzarəti gücləndirmək istəyir.
Crossmedia.az xəbər verir ki, bu barədə "Haber Global" məlumat verib.
Bildirək ki, IMEC adlı ticarət marşrutu Hindistandan başlayaraq İsrail və Cənubi Kipr üzərindən Yunanıstana qədər uzanır. Bu marşrutla Çinin “Kəmər və Yol” təşəbbüsü Pire limanında kəsişir. Belə ki, Avropa İttifaqı dairələrində bu iki yol üzərində gedən rəqabətin gələcək nəticələri hazırda müzakirə mövzusudur.
Məlumatda qeyd olunub ki, ABŞ prezidenti Donald Tramp hakimiyyətə gəlməmişdən öncə Atinadakı səfirliyə namizəd göstərdiyi Kimberli Guilfoyle-a Çin təsirini azaltmaq və Yunan limanlarını nəzarətə götürmək tapşırılıb.
ABŞ-nin təsiri ilə üç ay əvvəl Çin hərbi gəmilərinin Yunan limanlarına daxil olmasına icazə verilməyib. Eyni zamanda, Hindistanın da IMEC layihəsi çərçivəsində Dedeağaç limanına maraq göstərdiyi qeyd edilir.
Yunan jurnalist Aleksis Papaxelas yazır ki, ABŞ əvvəllər bu limanlara maraq göstərməyib. O bildirir: “Pire limanı tenderə çıxarılanda başqa heç bir ölkə həqiqi maraq göstərmirdi. Ona görə də liman Çinə satıldı”.
Qeyd edək ki, Yunanıstanın “əjdahanın başı” adlandırıldığı və Çin üçün strateji əhəmiyyət daşıdığı vurğulanır. Çin son illər Yunanıstana təzyiqlərini artırıb və bu rəqabətin yaxın illərdə daha da güclənəcəyi gözlənilir.
Fatimə Məmmədova
19:26 26.05.2025
Oxunuş sayı: 877
