ABŞ kəşfiyyatı: "Putinin məqsədi Ukraynanı parçalamaqdır"
ABŞ hərbi kəşfiyyatı Rusiya-Ukrayna müharibəsi ilə bağlı yeni hesabat yayımlayıb.
Crossmedia.az xəbər verir ki, sənəddə Rusiya Prezidenti Vladimir Putinin itkilərə baxmayaraq, Ukraynaya qarşı müharibədə qələbə əldə etmək məqsədindən geri çəkilmədiyi vurğulanır.
ABŞ kəşfiyyatının məlumatına əsasən, Moskva Ukraynanın neytrallaşdırılması və ölkənin daha da parçalanmasına yönəlmiş strategiyasını davam etdirir.
Rusiya hərbi qüvvələrinin “DXR” və “LXR” ərazilərində yavaş templə də olsa, irəliləyişi müşahidə olunur.
Hesabatda qeyd edilir ki, Rusiya tərəfi rəsmi olaraq danışıqlara hazır olduğunu bildirsə də, Ukraynanın kritik infrastrukturuna zərbələr endirməyə davam edir.
Bu isə Moskvanın irəli sürdüyü tələblərdə israrlı olduğunu göstərir.
Aybəniz Səfərova
21:53 24.05.2025
Oxunuş sayı: 10134
