İsrail səfiri: Suriya və Livanla münasibətlərin normallaşması Səudiyyə Ərəbistanından daha realdır
İsrailin ABŞ-dakı səfiri Yehiel Leiter, PragerU YouTube kanalına verdiyi müsahibədə, İsrailin Suriya və Livanla münasibətləri normallaşdırma perspektivlərinin Səudiyyə Ərəbistanından daha real olduğunu bildirib. O, “orada (Suriyada və Livanda) paradiqmanı köklü şəkildə dəyişdirdik” deyərək, bu ölkələrlə sülh sazişlərinə doğru irəliləmək üçün heç bir səbəb olmadığını vurğulayıb.
Crossmedia.az xarici mediaya istinadən bildirir ki, Leiter, Livanın Hizbullahı silahsızlaşdırması halında, İsrailin də müvafiq addımlar atacağını və bu istiqamətdə sülhə doğru irəliləyəcəklərini qeyd edib. O, həmçinin Qətəri tənqid edərək, bu ölkənin həm “od qoyanları”, həm də “yanğınsöndürənləri” dəstəklədiyini və Qətərin Qərb mədəniyyətini alçaltmağa çalışan ideologiyaya sahib olduğunu bildirib .
Bu açıqlamalar, İsrailin Suriya və Livanla münasibətləri normallaşdırmaq istiqamətində yeni diplomatik təşəbbüslərə hazır olduğunu göstərir. Eyni zamanda, bu, İsrailin Səudiyyə Ərəbistanı ilə münasibətlərinin normallaşdırılması istiqamətindəki çətinlikləri də əks etdirir.
Zəhra Ağayeva
17:45 24.05.2025
Oxunuş sayı: 10832
