Haitidə dəhşətli qətliam: 50 ölü
Haitinin Preval şəhərində silahlı dəstənin təşkil etdiyi hücum nəticəsində azı 50 nəfər, o cümlədən uşaqlar həyatını itirib, çox sayda insan yaralanıb.
Crossmedia.az xarici KİV-ə istinadən xəbər verir ki, silahlı şəxslər bir neçə yaşayış evini və Maranatha kilsəsini yandırıblar.
Hücum zamanı 86 yaşlı keşiş Jok Brutusun başı kəsilərək qətlə yetirildiyi bildirilib.
Şahidlər ərazidə azı 50 meyitin aşkarlanmasına şahid olduqlarını, onlardan 14-nün başı kəsilərək yandırıldığını qeyd ediblər. Hadisənin “Özünümüdafiə Koalisiyası” adlı silahlı qrup tərəfindən törədildiyi ehtimal olunur.
Birləşmiş Millətlər Təşkilatının məlumatına görə, 2024-cü ildə Haitidə silahlı dəstələrin hücumları nəticəsində 5600-dən çox insan həyatını itirib.
Qeyd edək kii, paytaxtı 80 faizindən çoxuna silahlı qruplar nəzarət edir.
Aybəniz Səfərova
14:21 24.05.2025
Oxunuş sayı: 7945
