Əraqçi: “ABŞ artıq İranın haqlı mövqeyini anlayır”
İranın xarici işlər naziri Abbas Əraqçi İtaliyanın paytaxtı Romada ABŞ-la aparılan dolayısı danışıqların beşinci raundundan sonra optimist açıqlama verib.
Crossmedia.az İran mediasına istinadən xəbər verir ki, Əraqçi “Ümid edirəm ki, növbəti görüşlərdə İranın mövqeləri daha yaxşı anlaşılacaq və danışıqlarda irəliləyiş üçün effektiv həll yolları tapılacaq. Hələ yekun nəticəyə gəlməsək də, ümidimizi itirməmişik” – deyə bildirib.
İran Dövlət Televiziyasına açıqlamasında o, bu raundun indiyə qədər keçirilən ən peşəkar danışıqlardan biri olduğunu vurğulayıb.
Müzakirə olunan təkliflərin və mövzuların paytaxtlara göndərilərək, ekspert qruplar tərəfindən dərin təhlil ediləcəyini qeyd edib.
Əraqçi həmçinin bildirib ki, İranın danışıqlardakı mövqeyi və prinsipləri açıq şəkildə ifadə olunub və ölkə qətiyyətlə bu mövqedə dayanır.
“ABŞ tərəfi artıq bizim mövqeyimizi daha yaxşı və aydın şəkildə başa düşür” – deyə o əlavə edib.
Bu açıqlama, İran və ABŞ arasında nüvə proqramı ilə bağlı davam edən mürəkkəb danışıqlar prosesində müsbət irəliləyiş kimi qiymətləndirilir.
Aybəniz Səfərova
03:56 24.05.2025
Oxunuş sayı: 10363
