İslam maliyyəsi Mərkəzi Asiyada iqtisadi inkişafı dəstəkləyəcək
İslam maliyyəsi Mərkəzi Asiyada sahibkarlar üçün imkanları genişləndirə bilər.
Crossmedia.az xəbər verir ki, bu barədə Avrasiya İnkişaf Bankının İdarə Heyətinin sədri Nikolay Podquzov açıqlama verib.
“Rəqəmsal islam maliyyəsi Mərkəzi Asiyanın iqtisadi artım yolunda irəliləməsində əsas rol oynayacaq. Texnologiyalardan istifadə etməklə kənd sahibkarlarının imkanlarını genişləndirə, ticarət əlaqələrini gücləndirə və etik investisiyaları cəlb edə bilərik”, – Podquzov bildirib.
Qırğızıstanın Milli Bankının məlumatına görə, aparılan araşdırmalar və sorğular kiçik və orta sahibkarlıq sektorunda islam maliyyəsinə olan yüksək, lakin ödənilməmiş tələbatı üzə çıxarıb.
Xatırladaq ki, 2022-ci ildə islam bank sektorunun aktivləri ölkənin ümumi bank sektoru aktivlərinin cəmi 1,5 faizini təşkil edib.
Fatimə Məmmədova
16:40 23.05.2025
Oxunuş sayı: 8161
