Türkiyədə FETÖ ilə əlaqədə şübhəli bilinən 56 hərbçi saxlanılıb
İstanbul və daha 36 vilayətdə FETÖ terror təşkilatı ilə əlaqədə şübhəli bilinən 56 fəaliyyət göstərən hərbçi saxlanılıb.
Crossmedia.az xəbər verir ki, bu barədə TRT Haber məlumat yayıb.
Qeyd edək ki, İstanbul Baş Prokurorluğunun yaydığı açıqlamaya görə, ümumilikdə 63 nəfər haqqında həbs qərarı verilib. Onların əksəriyyəti Hərbi Hava Qüvvələri və Quru Qoşunları Komandanlıqlarının yüksək rütbəli zabitləridir.
Saxlanılan şəxslərdən 8-i Hərbi Hava Qüvvələri, 13-ü Jandarma Baş Komandanlığı, 36-sı Quru Qoşunları, 6-sı isə Hərbi Dəniz Qüvvələrinin hərbi qulluqçularıdır. Onların arasında 4 polkovnik, 8 podpolkovnik, 12 mayor, 15 kapitan və 24 çavuş/sərhədçi var.
Bildirək ki, İstanbul Təhlükəsizlik Müdirliyinin Terrorla Mübarizə Şöbəsinə verilən təlimatlara əsasən, bu gün saat 06:00-dan etibarən İstanbul və 35 müxtəlif vilayətdə eyni vaxtda əməliyyatlara başlanılıb. Prokurorluq bildirib ki, əməliyyatlarla bağlı əlavə məlumatlar proses irəlilədikcə paylaşılacaq.
Xumar Emilqızı
11:55 23.05.2025
Oxunuş sayı: 8682
