FBI: Vaşinqtonda baş verən hücum hədəfli terror aktıdır
ABŞ-nin Federal Təhqiqatlar Bürosu (FBI), Vaşinqtonda iki İsrail səfirliyi əməkdaşının öldürülməsini hədəfli terror aktı kimi qiymətləndirib.
Çərşənbə günü axşam saatlarında baş verən silahlı hücum nəticəsində iki İsrail diplomatı həyatını itirib.
Crossmedia.az xəbər verir ki, hadisə ilə bağlı saxlanılan şəxsin Fələstin tərəfdarı siyasi fəallıq keçmişinə malik olduğu bildirilib.
ABŞ rəsmilərinin açıqlamasına görə, şübhəli şəxs hücumdan bir saat sonra sosial media hesabında Qəzza müharibəsini pisləyən paylaşım yerləşdirməyi planlaşdırıb.
Cümə axşamı FBI-nin taktiki dəstələri şübhəlinin Çikaqodakı evinə əməliyyat keçirib. FBI direktoru Kaş Patel cinayətləri “hədəfli terror aktı” kimi qiymətləndirərək, bunun ciddi şəkildə araşdırıldığını bildirib.
Mədinə Cəlilova
01:00 23.05.2025
Oxunuş sayı: 9037
