Trampın daxili siyasət planı Nümayəndələr Palatasından keçdi
ABŞ Nümayəndələr Palatası Prezident Donald Trampın daxili siyasətini dəstəkləyən qanun layihəsini qəbul edib. Səhərin erkən saatlarında keçirilən səsvermədə layihə 215 lehinə, 214 əleyhinə səslə qəbul olunub.
Crossmedia.az ABŞ mətbuatına istinadən xəbər verir ki, səsvermə əsasən partiya xətti üzrə aparılıb.
Qanun layihəsinin qəbulunu Prezident Tramp və Respublikaçılar “böyük və gözəl bir qanun” kimi qiymətləndirib və bu nəticəni əhəmiyyətli bir siyasi qələbə adlandırıblar.
Nümayəndələr Palatasının spikeri Mayk Conson bildirib ki, layihədə nəzərdə tutulan vergi azaldılması və büdcə xərclərinin artırılması Medicaid, ərzaq yardımı və təhsil sahəsində ediləcək ixtisarlarla maliyyələşdiriləcək.
Qeyd edək ki, bu qanun layihəsi Tramp administrasiyasının əsas daxili prioritetlərini həyata keçirmək məqsədi daşıyır.
Mədinə Cəlilova
22:15 22.05.2025
Oxunuş sayı: 8246
