SEPAH-dan İsrailə sərt mesaj: “Dağıdıcı cavab verəcəyik”
İran İslam İnqilabı Keşikçiləri Korpusunun (SEPAH) sözçüsü Əli Məhəmməd Naini İsrailin İranın nüvə obyektlərinə ehtimal olunan hücumu ilə bağlı yayılan məlumatlara münasibət bildirib.
Crossmedia.az xəbər verir ki, Qəzvində SEPAH tərəfindən təşkil olunan tədbirdə çıxış edən Naini İsrailin hər hansı hərbi təxribatı halında İranın dərhal və sərt cavab verəcəyini bəyan edib:
“Əgər İsrail ağılsız addım ataraq hücuma keçərsə, coğrafi cəhətdən məhdud və həssas ərazidə yerləşməsi səbəbilə dağıdıcı nəticələrlə qarşılaşacaq”, – deyə o bildirib.
Sözçü əlavə edib ki, İranın hərbi imkanları və texnoloji potensialı son illərdə əhəmiyyətli dərəcədə güclənib və hazırkı səviyyə “heyrət doğuracaq” həddə çatıb.
19:48 22.05.2025
Oxunuş sayı: 7969
