Fransa həbsxanalarının doluluq problemi: Makron məhbuslar üçün xaricdə kamera icarəsini təklif edir
Fransada həbsxanaların doluluq səviyyəsi kritik həddə çatıb. Ölkədə təxminən 83 min məhbus olsa da, onların yerləşdirilməsi üçün cəmi 62 min yer mövcuddur.
Crossmedia.az xəbər verir ki, bu barədə Euronews məlumat yayıb.
Problemin həlli məqsədilə Prezident Emmanuel Makron Fransalı məhbuslar üçün xarici ölkələrdə həbsxana kameralarının icarəyə götürülməsini təklif edib.
Qeyd edək ki, məsələ ilə bağlı Estoniya artıq marağını ifadə edib. Ölkə rəhbərliyi həbsxanalarında boş yerləri digər dövlətlərə icarəyə verməyə hazır olduğunu bildirib və bu prosesdən illik 30 milyon avroya qədər gəlir əldə etməyi planlaşdırır. Qeyd olunur ki, Estoniyada əhalinin sayı 1990-cı ildən bu yana təxminən 1.5 dəfə azaldığı üçün həbsxanalarda kifayət qədər boş yer mövcuddur.
Xatırladaq ki, bu ilin əvvəlində Fransanın ədliyyə naziri Jerald Darmanən qısa müddətli cəza çəkən məhbuslar üçün modul tipli həbsxanaların inşasını təklif etmişdi. Prezident Makron daha sonra bu təşəbbüsü təsdiqləyərək bildirib ki, yaxın iki il ərzində Fransada əlavə 5 min həbsxana yeri yaradılacaq.
Xumar Emilqızı
17:50 22.05.2025
Oxunuş sayı: 575
