Yəhudi muzeyində atəş açan şəxsin kimliyi aşkarlanıb
Vaşinqtonda Paytaxt Yəhudi muzeyində atəş açan şəxs əvvəllər hüquq-mühafizə orqanlarının diqqətini cəlb etməyən Çikaqodan (İllinoys ştatı) olan 30 yaşlı Elias Rodriqes olub.
Bu barədə Crossmedia.az CNN telekanalına istinadən xəbər verir.
Polisin məlumatına görə, o, yeganə atəş açan şəxs olub.
Qeyd olunur ki, atəşdən sonra Rodriqes muzey binasına daxil olmağa cəhd edib, lakin mühafizə xidməti onu içəri buraxmayıb.
Atəş açan şəxs artıq saxlanılıb, o, saxlanılarkən əməlini etiraf edib və tapançanı harada atdığını bildirib. O, həmçinin "bunu Qəzzə üçün etdiyini" deyib.
Elias Rodriguez-in Müqavimət Xalq Konqresinin üzvü olduğu bildirilir. Rodriguezin Xalq Müqavimət Konqresinin təşkil etdiyi aksiyalarda iştirak etdiyi və sosialist hərəkatının üzvü olduğu da iddia edilir.
14:15 22.05.2025
Oxunuş sayı: 9381
