️Lavrov Ermənistanda qondarma "soyqırımı memorialı"nı ziyarət etməyib
Rusiyanın xarici işlər naziri Sergey Lavrovun Ermənistana gözlənilən səfəri ərəfəsində Rusiya Xarici İşlər Nazirliyi səfər proqramını təqdim edən bəyanat yayıb.
Crossmedia.az xəbər verir ki, bu barədə Ermənistanın "Hraparak" nəşri yazıb.
Nəşrə görə, bəyanatda bildirilib ki, ənənəyə uyğun olaraq, Naməlum Əsgərin məzarı önünə gül dəstələri qoyulacaq, "soyqırımı qurbanları"nın (qondarma-red.) xatirəsinə ucaldılmış abidənin önünə əklil yerləşdiriləcək.
"Ötən gün məlum olub ki, "Soyqırımı Memorialı"nı ziyarət etmək səfərin gündəmindən çıxarılıb, yalnız əklil göndərilib. Ola bilsin ki, bu, Ermənistan hakimiyyətinin istəyi və xarici işlər nazirinin razılığı ilə həyata keçirilib.
Rəsmi izahat səfər proqramının dolu olması olub. Amma Rusiya Xarici İşlər Nazirliyi bunu Naməlum Əsgər abidəsini ziyarət edərkən çəkilmiş, arxa planda Ağrı dağı olan foto ilə kompensasiya etməyə çalışıb", - deyə nəşr bildirib.
11:10 22.05.2025
Oxunuş sayı: 8306
