Ağ Evdə irqi gərginlik: Tramp Cənubi Afrikada “kütləvi qətllər” iddiası irəli sürdü
Cənubi Afrika Respublikasının prezidenti Siril Ramafosa çərşənbə günü Ağ Evdə amerikalı həmkarı Donald Trampla görüş zamanı irqi məsələlərlə bağlı gərgin diskussiyaya cəlb olunub.
Crossmedia.az “The New York Times” istinadən xəbər verir ki, görüşdə Ramafosaya iki məşhur həmvətəni – dünya şöhrətli qolfçular Erni Els və Retif Qusen də müşayiət edib.
Görüş əvvəlcə mehriban şəraitdə başlayıb. Lakin tezliklə Tramp Cənubi Afrikada afrikanderlərə — keçmişdə aparteid rejimini idarə edən ağdərili azlığa qarşı guya “kütləvi qətllər” baş verdiyini sübut etməyə çalışaraq gərginliyi artırıb. ABŞ prezidenti müxalifət liderlərindən birinin irqçi ritorikasını əks etdirən videolar nümayiş etdirib, ardından isə minlərlə afrikanderin öldürüldüyünü iddia edən xəbərlərin çap olunmuş nüsxələrini Ramafosaya təqdim edib.
Ramafosa dəfələrlə bu iddiaları təkzib etməyə çalışsa da, Tramp geri çəkilməyib. Daha sonra vəziyyəti yumşaltmaq ümidi ilə söhbətə qolfçular daxil olub.
Dünyanın sabiq nömrə 1 qolfçusu Erni Els pasportunu çıxararaq özünü “qürurlu Cənubi afrikalı” kimi təqdim edib və Nelson Mandelanın ölkədə birliyi təşviq edən çağırışlarını xatırladıb:
“Keçid dövründə çoxlu qəzəb vardı, aparteid dövründə çox şey baş verirdi. Biz o dövrdə böyüdük, amma iki səhv bir doğru etməz”, – deyə Els bildirib.
Lakin golfçuların müdaxiləsinə baxmayaraq, görüşdə yaranan gərginlik tam aradan qalxmayıb.
Mədinə Cəlilova
11:05 22.05.2025
Oxunuş sayı: 10173
