Fransada sel faciəsi: Ölənlər var
Fransanın cənubundakı Var bölgəsində güclü yağışların səbəb olduğu daşqınlar nəticəsində 3 nəfər həyatını itirib, 2 nəfər isə itkin düşüb.
Crossmedia.az xarici KİV-ə istinadən xəbər verir ki, Le Lavandou və Vidauban qəsəbələrində itkin düşən şəxslərin cəsədlərinin tapılması ilə ölənlərin sayı artıb.
Bölgədə sel nəticəsində böyük dağıntılar yaranıb, elektrik və su təchizatında fasilələr baş verib.
Tuluza-Paris marşrutu üzrə hərəkət edən iki sürətli qatarın fəaliyyəti dayandırılıb, 500 sərnişin təxliyə edilib.
Var bölgəsində 500-dən çox təcili yardım çağırışı qeydə alınıb, 100-ə yaxın xilasedici əraziyə cəlb olunub.
Fransa prezidenti Emmanuel Makron sosial media hesabında başsağlığı verərək, itkin düşənlərin axtarışının davam etdiyini bildirib.
Aybəniz Səfərova
05:59 22.05.2025
Oxunuş sayı: 807
