İsrail və Türkiyə Suriyada hərbi toqquşmadan yayınmaq üçün razılığa gəlib
İsrail və Türkiyə Suriyada hərbi qüvvələri arasında toqquşmanın qarşısını almaq məqsədilə bir sıra əsas prinsip ətrafında razılığa gəliblər.
Crossmedia.az xəbər verir ki, bu barədə "Israel Hayom" qəzeti yazıb.
Qeyd edək ki, razılaşmaya əsasən, İsrail Suriyanın cənubunun demilitarizasiya olunmuş zona olaraq qalmasında israrlıdır. İki ölkə arasında əməliyyatların koordinasiyası üçün Azərbaycanın vasitəçiliyi ilə xüsusi “qaynar xətt” yaradıldığı bildirilir.
Məlumat görə, İsrail Türkiyənin Suriyada piyada və zirehli texnika yerləşdirməsinə qarşı deyil – lakin hava hücumundan müdafiə sistemləri və ya İsrailin hərbi hərəkətlərini izləyə biləcək radarların yerləşdirilməsinə qarşı çıxır.
Bildirək ki, bu addım bölgədəki gərginliyin azaldılması və qarşılıqlı anlaşmanın gücləndirilməsi baxımından mühüm hesab olunur.
Xumar Emilqızı
22:56 21.05.2025
Oxunuş sayı: 8811
