Xarici xəbərlər

İspaniya parlamentindən İsrailə silah embarqosu təklifi

İspaniya parlamenti İsrailə silah və hərbi məqsədli avadanlıq ixracının qadağan edilməsini nəzərdə tutan təşəbbüslə çıxış edib. Qərarda qeyd olunur ki, bu addım İsrail ordusunun Fələstin xalqına qarşı həyata keçirdiyi hərbi əməliyyatların qarşısını almaq məqsədi daşıyır.

Crossmedia.az xarici mediaya istinadən bildirir ki, parlamentin təqdim etdiyi təklifdə təkcə silah deyil, həmçinin hərbi məqsədlər üçün istifadə edilə biləcək digər vasitələrin – o cümlədən dəbilqə, gülləkeçirməz jilet və yanacaq kimi resursların da ixracının dayandırılması nəzərdə tutulur. Deputatlar hesab edirlər ki, bu cür təchizat İsrailin hərbi gücünü artıraraq bölgədəki zorakılığı daha da dərinləşdirə bilər.

Təklif parlamentdə müzakirəyə çıxarılıb və yaxın günlərdə bu məsələyə dair səsvermənin keçiriləcəyi gözlənilir. Qeyd edək ki, bu təşəbbüs beynəlxalq ictimaiyyətin İsrail-Fələstin münaqişəsinə münasibətində artan narahatlıqlar fonunda irəli sürülüb.

Fatimə Nəbiyeva

🖨 Çap et

20:20 21.05.2025

Oxunuş sayı: 1108