Ermənistan Avropa İttifaqına üzvlük məsələsini gündəmdə saxlamır – Mirzoyan
Ermənistan Avropa İttifaqına üzv olmaq niyyətində deyil və bu istiqamətdə heç bir danışıqlar aparılmır. Bu barədə Ermənistanın xarici işlər naziri Ararat Mirzoyan Rusiyanın xarici işlər naziri Sergey Lavrovla keçirdiyi birgə mətbuat konfransında bildirib.
Crossmedia.az xarici mediaya istinadən bildirir ki, Ararat Mirzoyan jurnalistlərin Ermənistanın eyni vaxtda həm Avropa İttifaqına, həm də Avrasiya İqtisadi İttifaqına üzv olub-oluna bilməyəcəyi ilə bağlı sualını cavablandırarkən məsələni şərh edib. O qeyd edib ki, “Ermənistan Respublikası Avropa İttifaqına üzv olmaq üçün müraciət etməyib, bu istiqamətdə danışıqlar aparılmır və buna görə də, bu istiqamətdə hansısa məsələni gündəmə gətirmək aktual deyil.”
Qeyd edək ki, son dövrlərdə Ermənistanın Qərblə münasibətləri fəallaşıb və bu ölkənin gələcəkdə Avropa İttifaqına inteqrasiyası ilə bağlı müxtəlif fikirlər səsləndirilir. Lakin rəsmi İrəvan bu cür ehtimalları hələlik təkzib edir.
Fatimə Nəbiyeva
18:39 21.05.2025
Oxunuş sayı: 921
