Xarici xəbərlər

Suriya və BƏƏ, Tartus limanına 800 milyon dollarlıq investisiya qoyuluşuna dair memorandum imzalayıblar

Suriya Yerüstü Sərhəd Keçidləri və Dəniz Limanları Baş İdarəsi Dubayın DP World şirkəti ilə dəyəri 800 milyon dollar olan Anlaşma Memorandumu imzalayıb.

Bununla bağlı Crossmedia.az xarici KİV-ə istinadən məlumat verir.

Memorandum Tartus limanında çoxməqsədli terminalın inkişafı, idarə olunması və istismarı üzrə kompleks investisiyaları nəzərdə tutur.

Suriya sərhəd xidməti və DP World həmçinin ölkənin bir sıra “strateji əhəmiyyətli” bölgələrində sənaye zonalarının, azad iqtisadi zonaların, quru limanların və tranzit terminallarının yaradılması sahəsində əməkdaşlıq barədə razılığa gəliblər.

Qeyd edək ki, 2025-ci ilin yanvarında Suriyada hakimiyyətə gələn yeni rəhbərlik 2019-cu ildə imzalanmış, Rusiya şirkəti ilə Tartus limanı arasında azı 500 milyon dollarlıq investisiya sazişini ləğv etmişdi.

🖨 Çap et

18:10 21.05.2025

Oxunuş sayı: 803