“Abrams” tankları ilə bağlı uzunmüddətli proses başa çatmaq üzrədir
ABŞ sonunda Avstraliyaya onların təkrar ixracı üçün icazə verib və ilk tankların yüklənməsinə artıq başlanılıb.
Bu barədə Crossmedia.az ABŞ KİV-nə istinadən məlumat verir.
ABC News Australia-nın yazdığına görə, 49 ədəd M1A1 Abrams tankından ilk partiya artıq yüklənir və daşınma mərhələsindədir.
ABŞ rəsmisi isə bu göndərişlə bağlı narahatlıq ifadə edib :“Ukraynalıların bu tanklara həqiqətən ehtiyacı olub-olmadığı barədə şübhələr yaranır. Abrams tankının tavanı ən zəif nöqtəsidir, halbuki bu, pilotsuz aparatların döyüşüdür”,
Ukrayna Silahlı Qüvvələri əvvəl göndərilmiş M1A1SA Abrams tanklarının demək olar ki, hamısını itirib. 31 tankdan 22-si ya tərk edilmiş, ya qənimət götürülmüş, ya da məhv edilmişdir.
18:00 21.05.2025
Oxunuş sayı: 9548
