Tramp kosmosa raket əleyhinə müdafiə sistemi yerləşdirmək istəyir
ABŞ Prezidenti Donald Tramp Çin və Rusiyadan gələn raket təhdidlərinə qarşı 175 milyard dollar dəyərində olan “Qızıl günbəz” adlı raket əleyhinə müdafiə sistemi layihəsini seçdiyini bildirib.
Crossmedia.az xəbər verir ki, bu barədə “Reuters agentliyi ” məlumat yayıb.
Tramp və Pentaqon rəhbəri Hegsettin sözlərinə görə, bu sistem yüzlərlə raket tutucudan ibarət olacaq və onlar kosmosda yerləşdirilərək yaxınlaşan raketləri aşkar etmək, izləmək və potensial olaraq zərərsizləşdirmək funksiyasını yerinə yetirəcək.
ABŞ Prezidenti bildirib ki, sistemdən istifadəyə 2029-cu ildə, onun Ağ evdəki prezidentlik müddətinin sonunda başlanacaq. Layihənin həyata keçirilməsi 10 il çəkə bilər və ümumi xərclər 831 milyard dollara çata bilər.
Nigar Rəhimova
14:45 21.05.2025
Oxunuş sayı: 8199
