Ermənistan Hindistan və Fransa ilə iri həcmli hərbi müqavilələr imzalayıb
Ermənistan Hindistanla 1,5 milyard dollar, Fransa ilə isə 250 milyon dollar dəyərində hərbi əməkdaşlıq müqavilələri bağlayıb.
Crossmedia.az xarici mediaya istinadən xəbər verir ki, müqavilələr çərçivəsində Yerevan silahlı qüvvələrinin hərbi texnika və silahlarla modernləşdirilməsi planlaşdırılır.
Hindistanla əldə olunan razılaşmalara "Pinaka" reaktiv yaylım atəşi sistemləri, tank əleyhinə "Konkurs" kompleksləri, müxtəlif çaplı minaatanlar və döyüş sursatları, 155 mm-lik ATAGS haubitsaları, özüyeriyən və yedəkli artilleriya sistemləri, pilotsuz uçuş aparatlarına qarşı ZADS sistemləri, "Akash 1S" hava hücumundan müdafiə kompleksi, MR-SAM raketləri və orta mənzilli "Akash-NG22" hava hücumundan müdafiə sistemlərinin tədarükü daxildir.
Fransa ilə imzalanmış müqaviləyə əsasən isə Ermənistan ordusu “Bastion” zirehli nəqliyyat vasitələri, “Safran” istehsalı gecəgörmə cihazları, üç ədəd “GroundMaster 200” radarı və “Mistral 3” zenit-raket kompleksləri ilə təchiz olunacaq.
Rəsmi Yerevan bu müqavilələrin ölkənin müdafiə qabiliyyətinin gücləndirilməsində mühüm rol oynayacağını bildirir.
20:09 20.05.2025
Oxunuş sayı: 10716
