Xarici xəbərlər

İran Vaşinqtonun təklifini rədd etdi: Uran gərginliyi pik həddə çatdı

Vaşinqton və Tehran arasında uranın zənginləşdirilməsi ilə bağlı danışıqlar dalana dirənib.

Crossmedia.az xəbər verir ki, bu barədə Birləşmiş Ərəb Əmirliklərinin “National” nəşri adları açıqlanmayan iki yüksək rütbəli İran rəsmisinə istinadla yazıb.

Mənbənin məlumatına görə, Tehran vasitəçi olan Omanın danışıqların beşinci raunduna dair göndərdiyi dəvəti hələ qəbul etməyib. Bildirilib ki, İran hökuməti Omanın bu mərhələdəki təşəbbüsünə mənfi yanaşıb.

İran rəsmilərindən biri bildirib ki, Tehranın bu qərarına səbəb ABŞ prezident administrasiyasının Yaxın Şərq üzrə xüsusi nümayəndəsi Stiven Uitkoffun son açıqlamaları olub.

Xatırladaq ki, ABŞ və İran arasında birbaşa diplomatik münasibətlər olmadığından, iki ölkə arasında qeyri-rəsmi danışıqlara tez-tez Oman vasitəçilik edir.

🖨 Çap et

19:11 20.05.2025

Oxunuş sayı: 846