Avropa İttifaqı Suriyaya qarşı sanksiyaları ləğv etməyi planlaşdırır
Avropa İttifaqı (Aİ) Suriyaya qarşı tətbiq olunan iqtisadi sanksiyaları ləğv etməyə hazırlaşır.
Crossmedia.az xarici mediaya istinadən bildirir ki, bu barədə Aİ-nin xarici siyasət və təhlükəsizlik üzrə ali nümayəndəsi Kaya Kallas Avropa İttifaqının xarici işlər və müdafiə nazirlərinin görüşünə gələrkən jurnalistlərə açıqlamasında deyib. Onun sözlərinə görə, nazirlər bu məsələni həmin görüş zamanı müzakirə edərək qərar verməyi planlaşdırırlar.
“Biz bu gün Suriyaya qarşı iqtisadi sanksiyaların ləğvini nəzərdə tuturuq,” — deyə Kallas bildirib.
Qeyd edək ki, Aİ Suriyada 2011-ci ildən bəri davam edən vətəndaş müharibəsi səbəbindən müxtəlif sahələri əhatə edən sanksiyalar tətbiq etmişdi. Hazırda isə Aİ ölkələrinin bu mövqeyə yenidən baxması, bölgədəki humanitar vəziyyət və siyasi dəyişikliklərlə əlaqələndirilir.
15:30 20.05.2025
Oxunuş sayı: 10169
