Ermənistanda Lavrovun səfəri ərəfəsində Rusiya əleyhinə aksiyalar keçirilib
Ermənistanın paytaxtı Yerevanda Rusiya xarici işlər naziri Sergey Lavrovun səfəri ərəfəsində antirusiya əhval-ruhiyyəsi güclənib.
Crossmedia.az xarici mediaya istinadən bildirir ki, Ermənistanın baş naziri Nikol Paşinyanın yaxın silahdaşı Arman Babacanyan Rusiya prezidenti Vladimir Putinə qarşı təhqiredici sözlər yazılmış plakatların fotosunu yayıb. Məlumata görə, bu cür plakatlar Rusiyanın Ermənistandakı səfirliyinin qarşısında və Yerevandakı Kiyev körpüsünün yaxınlığında yerləşdirilib.
Sosial şəbəkələrdə yayılan fotolar “Yerevan Lavrovu belə qarşılayır. Ermənistan xalqı sizi — qatilləri bağışlamayacaq” qeydi ilə paylaşılıb. Hadisə Ermənistan cəmiyyətində Rusiyaya qarşı artan narazılığı bir daha gündəmə gətirib.
Siyasi müşahidəçilər bu aksiyaları Lavrovun səfərini pozmaq və ya onun ətrafında mənfi ictimai rəy formalaşdırmaq cəhdi kimi qiymətləndirirlər. Onların fikrincə, bu addımlar Ermənistan hakimiyyətinə yaxın simalar vasitəsilə həyata keçirilən antirusiya siyasətinin tərkib hissəsidir.
Fatimə Nəbiyeva
14:30 20.05.2025
Oxunuş sayı: 467
