Rusiya ABŞ-ın sülh təklifinə müsbət baxır
Rusiya, bütün tələbləri tam qarşılanmasa belə, ABŞ-ın təklif edəcəyi sülh müqaviləsini qəbul etməyə hazırdır.
Crossmedia.az "The Washington Post"-a istinadən xəbər verir ki, Rusiya bu yolla ABŞ prezidenti Trampa yaxınlaşaraq Ukraynaya siyasi tələ qurmağı planlayır. Trampın təklif etdiyi razılaşmaya əsasən, Ukraynanın NATO-ya üzv olmayacağı təmin ediləcək, Krım Rusiya ərazisi kimi tanınacaq, rusların bu vaxta qədər ələ keçirdiyi bütün ərazilər onlarda qalacaq və Ukraynaya ciddi təhlükəsizlik zəmanətləri verilməyəcək.
Əslində Rusiya yalnız hazırda ələ keçirdiyi ərazilərlə kifayətlənmir; Donetsk, Luqansk, Zaporojye və Xerson vilayətlərinin tam nəzarətini istəyir. Bu bölgələr Rusiya tərəfindən ilhaq edilib və öz ərazisi hesab olunur. Amma Rusiya başa düşür ki, bu razılaşma Zelenski üçün siyasi cəhətdən ağır bir zərbə olacaq və buna görə də onu qəbul etməyə meyllidir.
Bu yolla Rusiya, Tramp qarşısında konstruktiv tərəf kimi görünərək razılaşmaya yaxın duran tərəf olacaq, Zelenski isə problemi yaradan tərəf kimi təqdim ediləcək. Həmçinin bu yanaşma Rusiyaya gələcəkdə müqavilənin pozulmasına görə Ukraynanı günahlandırmaq imkanı verəcək”.
12:30 25.04.2025
Oxunuş sayı: 9221
