İlon Mask və ABŞ Maliyyə naziri Trampın gözü önündə mübahisə edib
Vaşinqton, ABŞ – Ağ Evdə keçirilən görüş zamanı ABŞ Hökumətinin Effektivliyi İdarəsinin (DOGE) rəhbəri, milyarder İlon Mask ilə ABŞ Maliyyə naziri Skott Bessent arasında qalmaqallı mübahisə yaşanıb.
Crossmedia.az xarici mediaya istinadən xəbər verir ki, hadisə ABŞ Prezidenti Donald Trampın iştirakı ilə baş tutub.
Məlumata görə, gərginlik aprelin 16-da Trampın Maskın namizədi Gary Shapleyi Vergilər İdarəsinin rəhbəri vəzifəsinə təyin etməsi ilə başlayıb. Bessent isə həmin posta öz namizədi – maliyyə nazirinin müavini Maykl Folkenderin gətirilməsini istəyib. Bessent Trampı təyinatı dəyişməyə çağırıb və Maskın bu məsələdə gizli şəkildə hərəkət etdiyini bildirib.
Ağ Evdəki görüşdə Bessent Maskı verdiyi vədlərə əməl etməməkdə və DOGE strukturu çərçivəsində büdcə öhdəliklərini yerinə yetirməməkdə ittiham edib. Mask isə cavabında Bessenti “Soros agenti” adlandıraraq onu uğursuz idarəçilikdə günahlandırıb.
Mübahisə o qədər alovlanıb ki, tərəfləri ayırmaq üçün köməkçilər müdaxilə etməli olub. Hadisə İtaliyanın Baş naziri Giorgi Meloninin də iştirak etdiyi görüş zamanı baş verib.
Ağ Evin mətbuat katibi Kerolayn Levitt məsələ ilə bağlı açıqlamasında bildirib ki, “siyasi proseslərdə fikir ayrılığı sağlamlıq əlamətidir və prezidentin maraqlarına xidmət edir”.
22:35 24.04.2025
Oxunuş sayı: 10234
