İstanbulda güclü zəlzələ təşvişə səbəb oldu: Hansı rayonlar təhlükə altındadır?
Aprelin 23-də İstanbulda 6.2 maqnituda gücündə zəlzələ olub. Şəhər sakinləri təşviş içində olarkən, bölgələr üzrə risk dərəcələri və zəlzələnin təsiri gündəmə gəldi.
Crossmedia.az xəbər verir ki, bu barədə “CNN TÜRK” məlumat yayıb.
CNN TÜRK canlı yayımına qatılan Yapon zəlzəlı mütəxəssisi Yoshinori Morişaki, İstanbulun fərqli bölgələrində zəlzələnin təsir gücü və torpaq quruluşu ilə bağlı vacib açıqlamalar verdi.
Morişaki-yə görə Büyükçəkməcə, Esənyurt, Avcılar, Ataşəhər, Bakırköy və Başakşəhər kimi bölgələrdə torpaq strukturu yumşaq olduğu üçün risk daha yüksəkdir. Bu isə həmin ərazilərdə zəlzələnin daha güclü hiss olunmasına və tikililərin zərər görmə ehtimalının artmasına səbəb olur.
Mütəxəssis Silivri və Şile kimi bölgələrin isə daha möhkəm torpaq üzərində qurulduğunu və nisbətən daha təhlükəsiz olduğunu qeyd etdi. Arnavutköydə isə zəlzələ 4.6 şiddətində hiss edilib.
Morişaki xəbərdarlıq edərək, xüsusilə yumşaq zəmində yerləşən binaların təcili olaraq yoxlanılmalı və zəlzələyə dayanıqlı hala gətirilməli olduğunu vurğulayıb.
Zəlzələdən sonra riskli bölgələrdə yaşayanların diqqətli olmaları və rəsmi qurumların təlimatlarına əməl etmələri tövsiyə edilir.
Nigar Rəhimova
22:30 24.04.2025
Oxunuş sayı: 806
