KİV: ABŞ İranla danışıqlar üçün texniki qrupa rəhbər təyin edib
ABŞ Prezidenti Donald Trampın administrasiyası Dövlət Departamentinin yüksək rütbəli əməkdaşı Maykl Entonu İranla nüvə proqramı ilə bağlı danışıqlarda texniki qrupa rəhbər təyin edib.
Crossmedia.az xəbər verir ki, bu barədə “Politico” nəşri məlumat yayıb.
Xatırladaq ki, ABŞ Prezidentinin Yaxın Şərq üzrə nümayəndəsi Stiv Uitkoff və İranın xarici işlər naziri Abbas Əraqçi arasında birbaşa olmayan danışıqların birinci raundu aprelin 12-də Omanda baş tutub. Aprelin 19-da Oman xarici işlər nazirinin vasitəçiliyi ilə İtaliya paytaxtı Romada İran və ABŞ arasında danışıqların ikinci raundu keçirilib. İranın xarici işlər naziri ABŞ nümayəndə heyəti ilə görüşdən sonra danışıqların ikinci raundunun konstruktiv şəraitdə keçdiyini bəyan edib.
İran Xarici İşlər Nazirliyinin nümayəndəsi İsmayıl Bəqayi danışıqların üçüncü raundunun aprelin 26-da baş tutacağını söyləyib.
22:20 24.04.2025
Oxunuş sayı: 9424
