"Azərbaycan Ermənistandan səmimiyyət gözləyir" - DEPUTAT
Prezident İlham Əliyev almaniyalı həmkarı Frank-Valter Ştaynmayer ilə mətbuata bəyanatında Cənubi Qafqazda sülh prosesi barədə də mühüm mesajlar verib.
Dövlət başçısı qeyd edib ki, Azərbaycanın tarixi zəfəri sülh danışıqlarına yol açmışdır və hesab edirəm ki, bu gün Azərbaycanın və Ermənistanın sülhün əldə edilməsində mövqeləri bir-birinə kifayət qədər yaxınlaşmışdır.
Almaniya Prezidentinin Azərbaycana bu səfərinin çox müsbət nəticələrinin olacağından əminliyini vurğulayan dövlət başçısı deyib: “İkitərəfli münasibətlər tarixində bu, Almaniya Prezidentinin Azərbaycana birinci rəsmi səfəridir və əminəm ki, səfərin yekunları ölkələrimizi bir-birinə daha yaxın edəcəkdir”.
Tarixi Zəfərimiz sülh danışıqlarına yol açıb və bu gün Azərbaycanın və Ermənistanın sülhün əldə edilməsində mövqeləri bir-birinə kifayət qədər yaxınlaşıb. Bu barədə Prezident İlham Əliyev Almaniya Prezidenti Frank-Valter Ştaynmayer ilə mətbuata bəyanatında bildirib. Almaniya Prezidentinin Azərbaycana bu səfərinin çox müsbət nəticələrinin olacağından əminliyini vurğulayan dövlət başçısı deyib: “İkitərəfli münasibətlər tarixində bu, Almaniya Prezidentinin Azərbaycana birinci rəsmi səfəridir və əminəm ki, səfərin yekunları ölkələrimizi bir-birinə daha yaxın edəcəkdir”.
Ölkə liderinin verdiyi mesajlar barədə Crossmedia.az -a danışan Milli Məclisin deputatı Asim Mollazadə rəsmi İrəvanın sülhlə bağlı ciddi addım atacağına inanmadığını bildirib: "Eyni zamanda onların təxribatlarının şahidi oluruq. Azərbaycan sülh istəyir. Çox istərdik ki, bu istiqamətdə addımlar atılsın. Azərbaycan bu istiqamətdə zəruri addımları atıb və öhdəlikləri yerinə yetirdi".
Deputat həmçinin Ermənistanın zaman- zaman fərqli mövqelər ortaya qoyduğunu diqqətə çatdırıb: "Ermənistan müstəqil ölkə deyil. İrəvanın bir çox sahibi var. Ermənistan sülhdən çəkinir. Bunu biz də bilirik. Azərbaycan Ermənistandan səmimiyyət gözləyir. Əgər Ermənistan üzərinə düşən bütün öhdəlikləri yerinə yetirsə, sülh sazişi imzalana bilər".
Fatimə Məmmədova,
Fidan Xəlilova
15:59 02.04.2025
Oxunuş sayı: 10780
