Fransa İsraildən hücumları dayandırmağı tələb etdi
Fransa Prezidenti Emmanuel Makron İsrailin Baş naziri Benyamin Netanyahuyla telefon danışığı zamanı İsraildən Qəzza zolağı və Livana hücumları dayandırmağı, həmçinin Suriyanın suverenliyini bərpa etməyi tələb edib.
Crossmedia.az xəbər verir ki, bu barədə xarici KİV məlumat yayıb.
Makron bildirib ki, Fransa ərəb ölkələri ilə birlikdə regionun bərpası planı üzərində işləməyə davam edəcək. O həmçinin siyasi həll yoluna qayıtmağın vacib olduğunu vurğulayıb.
“İki dövlət prinsipi əsasında qurulmuş siyasi həll yeganə sülh və təhlükəsizlik yoludur. Hər hansı məcburi köçürülmə və ya ilhaq bu məqsədə ziddir”, – deyə Fransa lideri “X” sosial şəbəkəsindəki paylaşımında qeyd edib.
Fatimə Məmmədova
12:45 31.03.2025
Oxunuş sayı: 9635
